尋晚去左探一個小朋友... 正確d黎講應該係我個契仔! 我話探個小朋友，係因為佢呀爸呀媽重未幫佢改好名!!!! 連佢地都係叫自己個仔做"小朋友"，我呢d渺小既人物又點敢亂幫佢起名丫...

 

約左"小朋友"個媽咪0係佢屋企樓下等。點知去到打俾佢媽咪，打極都無人聽，連SMS都無覆...  唉... 又借左聾耳陳隻耳... 結果等左一陣，佢媽咪先番黎。

 

 

"小朋友"... 我地終於又見面啦~~~ 不過，佢全程用佢既眼皮對住我... 一直訓，無擘開過眼!  只係間中伸下懶腰，轉下左，轉下右甘... 真係好鬼想整醒佢! 結果，最後我同佢都係無緣相見....